Azərbaycan Premyer Liqasının XXIII turunda "Kəpəz” Gəncə şəhər stadionunda "Sumqayıt”ı qəbul edəcək.
Sportnet.az-ın məlumatına görə, bu oyun ilə bağlı Gəncə klubunun müdafiəçisi Şəhriyar Əliyev kapazpfc.az saytına açıqlama verib: "Sonuncu oyunumuzla qarşıdakı matç arasında vaxt az olsa da, yaxşı hazırlaşmışıq. Əslində bütün görüşlərə eyni formada məşq edirik. Sadəcə, "Zirə” ilə oyuna kimi bəxtimiz gətirmirdi. "Sumqayıt”a qarşı görüşdə 3 xal qazanmağa çalışacağıq, məqsədimiz qələbədir. Qarşımızda duran əsas vəzifə xal ehtiyatımızı artırmaqla turnir cədvəlində yerimizi yuxarıya doğru dəyişməkdir. Həm də Novruz öncəsi olduğundan bayrama yaxşı əhval-ruhiyyədə yollanmaq istəyirik”.
Qeyd edək ki, martın 18-də keçiriləcək "Kəpəz" - "Sumqayıt" matçı saat 16:00-da başlayacaq.
