"Bizi "Qarabağ”la çətin oyun gözləyir. Ancaq lider komandaya qarşı hazırlaşmaq elə də çətin olmur”.
Bunu Sportnet.az-a açıqlamasında "Zirə”nin hücumçusu Nurlan Novruzov deyib. Novruzov "Qarabağ”a qarşı keçirəcəkləri görüşdən qalib ayrıla biləcəklərini söyləyib: "Bu oyunun önəmi böyükdür. Çünki bu üç xal bizi rəqiblərimizdən uzaqlaşdıracaq. Əks halda, vəziyyətimiz çətin olacaq”.
Forvard "Zirə” və "Qarabağ” klublarının yaxınlığı barədə söz-söhbətlərə əhəmiyyət vermədiklərini də dilə gətirib: "Bu dəqiqə həqiqətən də belə söz-söhbətlərə ayıracaq vaxtımız yoxdu. Artıq altı oyunumuz qalıb və bu matçlarda maksimum xal toplamaq, ən azı məğlub olmamaq istəyirik”.
Qeyd edək ki, bu gün keçiriləcək "Zirə" - "Qarabağ" matçı saat 18:30-da başlanacaq.
