"Türkiyə millisinin U-21 yığması güclüdür. Heyətində səviyyəli oyunçular çoxdur. Yoxlama görüşü olsa da, biz də yaxşı nəticə qazanmaq istəyirik". Bunu Sportnet.az-a açıqlamasında U-21 yığma komandamızın üzvü Ozancan Kökçü deyib.
"Feyenoord" formasını geyinən yarımmüdafiəçi bu matçda meydana çıxacağını bildirib: "Maraqlı oyun alınacaq. Bəli, özüm də meydana çıxmağı istəyirəm. Ümidvaram ki, meydanda olacam və komandam üçün əlimdən gələni edəcəm. İnşallah gözəl oyun olar”.
