Futbol üzrə Azərbaycan Premyer Liqasında XXV tura yekun vurulub.
Sportnert.az-ın məlumatına görə, turun son matçında "Sumqayıt" autsayder AZAL-ın qonağı olub. Görüş Samir Abasovun baş məşqçi olduğu komandanın qələbəsi ilə yekunlaşıb - 2:1. Bununla da xallarını 31-ə çatdıran "Sumqayıt" 4-cü pillədəki "Zirə" ilə xal fərqini minimuma endirib. AZAL isə 10 xalla 8-ci pillədə qalıb.
Qeyd edək ki, digər oyunlarda "Kəpəz" "Neftçi"ni 2:0 hesabı ilə məğlub edib. "Qarabağ"la "Qəbələ" arasındakı görüşdə qol vurulmayıb - 0:0. Zirə" - "İnter" matçı da heç-heçə ilə yekunlaşıb - 1:1.
----------------------------------------------
Futbol üzrə Azərbaycan Premyer Liqasında XXV turun daha bir oyunu keçirilib.
Sportnert.az-ın məlumatına görə, 3-cü pillədə qərarlaşan "İnter" "Zirə"nin qonağı olub. Görüşdə hesabı Zaur Svanadzenin komandası açıb: Rauf Əliyev 12-ci dəqiqədə fərqlənib. Lakin "İnter"in sevinci 7 dəqiqə çəkib. Riçard Qadze "Zirə"nin heyətində həm bərabərlik, həm də matçdakı sonuncu qolu vurub.
Beləliklə, xalını 43-ə çatdıran "İnter" ən azı bürünc medalları təmin edib. Çünki mövsümün başa çatmasına 3 tur qalmış "Zirə"ni 11 xal qabaqlayır. Zirə qəsəbəsində qeydə alınan heç-heçə eyni zamanda "İnter"in çempion olmaq üçün nəzəri şansını itirməsini rəsmiləşdirib. Hesabında 53 xalı olan "Qarabağ" artıq "ağ-göylər" üçün əlçatmazdır.
Qeyd edək ki, ilk oyun günündə "Kəpəz" "Neftçi"ni 2:0 hesabı ilə məğlub edib. "Qarabağ"la "Qəbələ" arasındakı görüşdə isə qol vurulmayıb - 0:0. XXV tura saat 17:30-da start götürəcək AZAL - "Sumqayıt" qarşılaşması ilə yekun vurulacaq.
Azərbaycan Premyer Liqası
XXV tur
10 aprel (bazar ertəsi)
"Zirə” – "İnter” 1:1
Qollar: Riçard Qadze, 21 - Rauf Əliyev, 13
Hakimlər: Ramil Diniyev, Akif Əmirəli, Azər Əsgərov, Rəhim Həsənov
AFFA nümayəndəsi: Ramiz Abdullayev
Hakim-inspektor: Şahin Cəfərov
Zirə İdman Kompleksinin stadionu
--------------------------------------
Bu gün Bakı qəsəbələrində keçiriləcək daha 2 oyunla futbol üzrə Azərbaycan Premyer Liqasında XXV tura yekun vurulacaq.
Sportnet.az-ın məlumatına görə, əvvəlcə "Zirə" və "İnter" komandaları üz-üzə gələcək. Bu görüş hər iki tərəf üçün mühüm əhəmiyyətə malikdir. Qonaqlar uduzmasalar, ən azı bürünc medalları təmin edəcəklər. Qələbə təqdirində, "İnter" hətta ilk 2 pilləyə iddiasını nəzəri cəhətdən saxlayacaq. Qarşılaşmada qalib müəyyənləşməsə, çempionluğa cəmi 2 iddiaçı - "Qarabağ"la "Qəbələ" qalacaq. "Zirə" isə qələbə qazanmaqla ən azı Avropa Liqasına vəsiqə verən 4-cü pillədə möhkəmlənmək istəyir. Çünki bu pilləyə "Sumqayıt", "Kəpəz" və hətta "Neftçi" də iddialıdır.
"Zirə" və "İnter" indiyədək Premyer Liqada 7 dəfə üz-üzə gəliblər. Oyunlardan tərəflər hərəyə 1 qələbə və 5 heç-heçə ilə ayrılıblar. Topların nisbəti də bərabərdir - 5:5. İlk 3 dövrədəki oyunların hamısı eyni hesabla nəticələnib - 1:1. Daha bir özəllik ondadır ki, meydan sahibi olan komanda heç vaxt uduzmayıb.
Turun son oyununda isə Şüvəlanda AZAL "Sumqayıt"ı qəbul edəcək. Artıq Premyer Liqada sonuncu yeri tutacaqları rəsmiləşən "təyyarəçilər"dən fərqli olaraq, "gənclik şəhəri" təmsilçisinə mütləq qələbə lazımdır. Bu, xüsusən, "Zirə"nin məğlub olacağı təqdirdə, böyük əhəmiyyət kəsb edəcək. Düzdür, xal itkisi də Samir Abasovun baş məşqçi olduğu komandanı 5-ci pillədə saxlayacaq. Amma qalan 3 turda "Sumqayıt" daha aşağı pillələrə enməmək üçün autsayderlə görüşdən qalib ayrılmağı bacarmalıdır.
Tərəflər arasında əvvəlki 23 oyunda AZAL 8, "Sumqayıt" 5 qələbə qazanıbsa, 10 görüşdə qalib müəyyənləşməyib. Topların nisbəti "təyyarəçilər"in xeyrinədir - 29:23. Digər tərəfdən, AZAL öz meydanında "Sumqayıt"la keçirdiyi 11 oyunun hamısında qol vurub və heç vaxt uduzmayıb. Ümumilikdə isə son 10 qarşılaşmada qonaq tərəf qələbə qazana bilməyib. İlk 2 dövrədə 1:1 hesablı heç-heçə qeydə alınıbsa, üçüncü dövrənin oyununda "Sumqayıt" AZAL-dan üstün olub - 1:0.
Azərbaycan Premyer Liqası: XXV tur
10 aprel (bazar ertəsi)
"Zirə” – "İnter” - 1:1
Qollar: Riçard Qadze, 19 - Rauf Əliyev, 12
Hakimlər: Ramil Diniyev, Akif Əmirəli, Azər Əsgərov, Rəhim Həsənov
AFFA nümayəndəsi: Ramiz Abdullayev
Hakim-inspektor: Şahin Cəfərov
Zirə İdman Kompleksinin stadionu, 15:00 (CBC Sport / canlı)
AZAL – "Sumqayıt” - 1:2
Qol: Ruslan Əmircanov, 41 - Amil Yunanov, 22. Mirabdulla Abbasov, 63
Hakimlər: Rauf Cabbarov, Nahid Əliyev, Vüqar Bayramov, Əliyar Ağayev
AFFA nümayəndəsi: Rauf Əmirov
Hakim-inspektor: Füzuli Nəcəfov
"AZAL Arena”, 17:30 (CBC Sport / canlı)
Qeyd edək ki, ilk oyun günündə "Kəpəz" "Neftçi"ni 2:0 hesabı ilə məğlub edib. "Qarabağ"la "Qəbələ" arasındakı görüşdə isə qol vurulmayıb - 0:0.
