"Belə bir oyunda çempionluq çox xoşdur. Futbolçularımız 90 dəqiqə ərzində boşalmadılar, çox yaxşı oyun sərgilədilər. İlboyu bu adı qorumağa saxladıq. 4-cü çempionluq münasibəti klub rəhbərliyi və azarkeşləri təbrik edirəm".
Sportnet.az-ın məlumatına görə, bunu "Qarabağ"ın baş məşqçisi Quban Qurbanov "İnter" üzərində səfərdə 3:0 hesablı qələbə qazanaraq, çempion olduqları oyundan sonra CBC Sporta açıqlamasında deyib. 45 yaşlı mütəxəssis bildirib ki, Çempionlar Liqasına hazırlıq məqsədilə heyətə yeni oyunçular cəlb olunacaq: "Yanvardan sonra zədəlilərimiz çox oldu. Hər yeni mövsümdə heyətimizi gücləndiririk. Maraqlandığımız futbolçular var. Bir neçə transfer etmək düşüncəsindəyik. Hazırda danışıqlar davam edir".
Qurbanov müqaviləsi yekunlaşan kapitan Rəşad Sadıqovla bağlı duruma da aydınlıq gətirib: "O, müqaviləyə önəm verməyən oyunçudur. Özü "Futboldan gedirəm" desə, Qarabağ"dan gedə bilər. O da biz izn versək. Daha təcrübəli, daha ağıllı Rəşad görürük".
