"Qəbələ” klubu daha iki futbolçu ilə yollarını ayırıb.
Sportnet.az-ın məlumatına görə, David Petrjkeviç və Murad Musayev yeni mövsümdən "qırmızı-qaralar”ın formasını geyinməyəcək. Bunadək isə komanda Daniel Subotiç, Rafael Santos, Rəşad Sadiqov, Məhəmməd Mirzəbəyov, Teo Uiks, Sergey Zenyov, Rəşad Eyubov və Nika Kvekveskiri ilə vidalaşıb.
2013-2014 və 2015 - 2017-ci illərdə "Qəbələ”də çıxış edən Petrjkeviç "qırmızı-qara” formada 14 oyun keçirib. Polşalı qapıçı bu görüşlərdə 17 top buraxıb. O, Premyer Liqada 12 (-11 qol), ölkə kubokunda 1 (-2 qol) və Avropa Liqasında 1 (-4 qol) oyunda iştirak edib.
2012/2013 mövsümündən "Qəbələ”nin əsas komandasında çıxış edən Musayev 9 matç keçirib. Müdafiəçi Premyer Liqada 8, Azərbaycan kubokunda 1 görüşün iştirakçısı olub.
"Qəbələ” İdman Klubu David Petrjkeviç və Murad Musayevə "qırmızı-qara” forma ilə keçirdiyi oyunlara və qazanılan qələbələrdəki payına görə təşəkkür edir, gələcək karyeralarında yeni-yeni uğurlar arzulayır.
