Azərbaycanın Serbiyadakı səfirliyi Bakı "İnter"inə yerli "Mladost" komandası ilə futbol üzrə Avropa Avropa Liqasının I təsnifat mərhələsi çərçivəsində keçirəcəyi ilk oyunda dəstək olacaq.
Sportnet.az-ın "İnter"in mətbuat xidmətinə istinadən məlumatına görə, bu barədə paytaxt komandasını Belqrad hava limanında qarşılayan səfirliyin konsulluq və protokol məsələləri üzrə attaşesi Elvin Əlizadə bildirib. Komanda üzvləri ilə görüşən E.Əlizadə oyun günü bir qrup şəxslə matçı stadiondan canlı izləyəcəklərini açıqlayıb.
Qeyd edək ki, iyunun 29-da keçiriləcək "Mladost" - "İnter" matçı Bakı vaxtı ilə saat 22:30-da başlanacaq. Cavab görüşü iyulun 6-da Bakıdakı "Dalğa Arena"da olacaq ("Report").
