"Qəbələ"nin Avstriya toplanışı çərçivəsində yoxlama matçı keçirəcəyi rəqib dəyişib.
Sportnet.az-ın məlumatına görə, "qırmızı-qaralar"ın Albaniyanın "Kukesi" komandası ilə görüşü baş tutmayıb.
Əvəzində rəqib Avstriya "Qrodiq"i olub. Görüş bu gün keçiriləcək.
Qeyd edək ki, hazırlıq prosesinin ikinci mərhələsini Zalsburq bölgəsində gerçəkləşdirən "qırmızı-qaralar” gündə iki məşq keçir. Bu, komandanın ümumilikdə 6-cı yoxlama matçı olacaq. 1948-ci ildə yaradılan "Qrodiq" Avstriya çempionatının Regionalliqasının Qərb zonasında çıxış edir.
