Yeni mövsümə hazırlığı Avstriyanın Zalsburq bölgəsində gerçəkləşdirən "Qəbələ” məşqlərini bərpa edib.
Sportnet.az-ın məlumatına görə, yerli "Qrodiq”lə yoxlama oyunundan (7:0) sonra bir günlük istirahətə buraxılan futbolçular ötən gün növbəti məşqə çıxıb. "Qırmızı-qaralar” günü iki məşqlə tamamlayıb. Hazırlıq prosesində zədə problemini arxada qoyan Baqali Dabo da iştirak edib. Zədələnən yeni transfer İlqar Qurbanov isə komanda çalışmalarından kənar qalıb. Tellur Mütəllimovla Ruslan Qurbanov isə eyni səbəbdən fərdi məşqlə kifayətlənib.
Xatırladaq ki, "Qəbələ” növbəti yoxlama oyununu iyulun 4-də keçirəcək. Komandamız Ukrayna "Dinamo”su (Kiyev) ilə üz-üzə gələcək.
