"Səbail" və "Neftçi" arasındakı Azərbaycan Premyer Liqasının II tur matçı "istefa" şüarları ilə yekunlaşıb. Sportnet.az-ın məlumatına görə, bu, 90-cı dəqiqədə meydan sahiblərinin futbolçusu Elman Taqayevin hesabı açmasından sonra baş verib.
Qolun ardından "Dalğa Arena"dakı qonaq komanda azarkeşləri baş məşqçi Elxan Abdullayevi istefaya səsləyiblər. Daha sonra onlar "Neftçi"nin çörəyi haram olsun" və digər şüarları dilə gətiriblər. Şüarlar final fitindən sonra da davam edib.
Qeyd edək ki, görüş "Səbail"in qələbəsi ilə yekunlaşıb - 1:0.
