"Bu, bizim üçün həqiqətən də vacib oyun idi. Görüşə çox ciddi hazırlaşmışdıq. Nə edəcəyimizi yaxşı bilirdik".
Sportnet.az-ın məlumatına görə, bunu "Sumqayıt"ın futbolçusu Bəxtiyar Həsənalızadə evdə "Neftçi"yə 1:0 hesabı ilə qalib gəldikləri Azərbaycan Premyer Liqasının IV tur matçından sonra deyib.
Klub televiziyasına danışan mərkəz müdafiəçisi vacib qələbə qazandıqlarını bildirib: "Uşaqlar baş məşqçinin verdiyi tapşırığı yerinə yetirdilər. Bunun sayəsində çox vacib qələbə qazandıq. Növbəti oyunlarda da qalib gələrək, mövqeyimizi yaxşılaşdırmaq istəyirik".
Qeyd edək ki, "Sumqayıt"ın yeganə qolunu 25-ci dəqiqədə Amil Yunanov vurub.
