"Neftçi” klubu Azərbaycan milli komandasının DÇ-2018-in seçmə mərhələsindəki oyunları ilə əlaqədar Topaz Premyer Liqasında yaranmış fasilə zamanı yoxlama görüşü keçirəcək.
Sportnet.az-ın klubun rəsmi saytına istinadən məlumatına görə, flaqman oktyabrın 7-də "Qəbələ" ilə qarşılaşacaq. İsmət Qayıbov adına təlim-məşq bazasının meydançasında baş tutacaq oyun saat 16:00-da start götürəcək.
Qeyd edək ki, bu komandalar Premyer Liqanın VI turunda da üz-üzə gəliblər. Qəbələdə keçirilmiş görüş meydan sahiblərinin qələbəsi ilə yekunlaşıb - 2:1.
