17 yaşadək futbolçulardan ibarət komandalar arasında Avropa çempionatının ilkin seçmə mərhələsində Azərbaycan yığması bu gün son oyununu keçirəcək.
Sportnet.az-ın məlumatına görə, rəqib Bolqarıstan yığması olacaq.
Görüş Bolqarıstanın Gorna Orechovitsa şəhərindəki "Lokomotiv" stadionunda baş tutacaq.
İlk 2 turdan sonra hər iki komanda xalsızdır və 11-ci qrupda 3-4-cü yerləri bölüşür. Elit raunda vəsiqə şanslarını itirən Azərbaycan və Bolqarıstan yığmaları 3-cü yer uğrunda mübarizə aparacaqlar.
19:30. Bolqarıstan - Azərbaycan
Baş hakim: Barbeno Luca (San Marino)
Baş hakimin köməkçiləri: Gian Marco Ercolani (San Marino), İbrahim Çağlar Uyarcan (Türkiyə)
Dördüncü hakim: Halil Umut Meler (Türkiyə)
UEFA nümayəndəsi: Yauheni Tratsiuk (Belarus)
Hakim-inspektor: Dejan Filipovic (Serbiya)
