Türkiyənin "Trabzonspor” klubu Azərbaycan yığmasının baş məşqçisi Robert Prosineçki ilə ilkin razılıq əldə edib.
Sportnet.az xəbər verir ki, belə bir iddia ilə "Fanatik” çıxış edib.
Bildirilir ki, klub prezidenti Muharrem Usta Ersun Yanalın göndərilməsindən sonra boşalan posta Türkiyə yığmasından ayrılan Fatih Terimi gətirmək istəyib. Lakin ondan mənfi cavab alınca, diqqətlər Prosineçkiyə yönəlib.
Məlumata görə, Usta artıq xorvatiyalı mütəxəssislə əlaqa saxlayıb və ilkin razılıq əldə olunub. Prosineçki müqavilə bağlamaq üçün həftəsonu Trabzona getməlidir.
Qeyd edək ki, Robert Prosineçkinin Azərbaycan millisi ilə üç illik müqaviləsinin müddəti dekabrda başa çatır. O, 2012/2013 mövsümündə Türkiyənin "Kayserispor” komandasının baş məşqçisi olub.
