Futbol üzrə Azərbaycan Premyer Liqasında IX turun ilk oyunu keçirilib. Sportnet.az-ın məlumatına görə, "Dalğa Arena"da "Səbail" "İnter"i qəbul edib.
Görüş meydan sahiblərinin qələbəsi ilə yekunlaşıb - 1:0. Yeganə qolu 16-cı dəqiqədə Murtuz Abakarov vurub.
3-cü qələbə sayəsində xallarını 9-a çatdıran "Səbail" 5-ci pilləyə yüksəlib. Ardıcıl 3-cü məğlubiyyətlə üzləşən "İnter" isə 6-cı pilləyə enib.
Qeyd edək ki, oktyabrın 21-də "Kəpəz" - "Neftçi" və "Sumqayıt" - "Zirə", oktyabrın 22-də isə "Qəbələ" - "Qarabağ" matçı keçiriləcək.
Topaz Premyer Liqası
IX tur
20 oktyabr
18:00. "Səbail” – "İnter” 1:0
Qol: Murtuz Abakarov, 16
Hakimlər: Ramil Diniyev, Nahid Əliyev, Yaşar Abbasov, Fariz Yusifov
AFFA nümayəndəsi: Erkin Hüseynov
Hakim-inspektor: Fazil Mürşüdov
"Dalğa Arena”
