Gürcüstanın "Çixura” klubunun futbolçularını aparan mikroavtobus qəzaya düşüb.
Sportnet.az qonşu ölkənin İctimai Televiziyasına istinadən xəbər verir ki, hadisə komanda üzvləri Gürcüstan çempionatının XXXI turundan "Dinamo” Batumiyə 2:1 hesabı ilə qalib gəldikləri oyundan qayıdan zaman Xaşuri şəhərində baş verib.
Klub rəhbərliyinin sözlərinin görə, komanda üzvlərindən yalnız biri ciddi zədə alıb. Kapitan Şota Kaşiyanın körpücük sümüyü sınıb.
Qeyd edək ki, "Çixura” 2014/15 mövsümündə Avropa Liqasının 3-cü təsnifat mərhələsində "Neftçi”nin rəqibi olub. "Ağ-qaralar” Bakıda gürcülərlə qolsuz bərabərə qalsalar da, səfərdə 3:2 hesablı ilə məğlub edərək mərhələ adlayıb.
