Norveç milli komandasının Makedoniya və Slovakiya yığmaları ilə keçirəcəyi yoldaşlıq görüşləri üçün heyəti açıqlanıb. Sportnet.az xəbər verir ki, baş məşqçi Lars Lagergek 25 futbolçuya dəvət göndərib.
Onların arasında "Qarabağ"da çıxış edən Tarik Elyunussi yoxdur. 29 yaşlı hücumçu Topaz Premyer Liqasında sonuncu dəfə oktyabrın 13-də səfərdə "İnter"lə VIII tur matçında çıxış edib. O, komandasının 2:0 hesabı ilə qalib gəldiyi görüşdə sonadək meydanda olub. Bundan sonra zədə üzündən meydana çıxmadığı bildirilsə də, hazırda Elyunussi İspaniyada "Atletiko" ilə Çempionlar Liqasının qrup mərhələsinin IV tur matçına hazırlaşan heyətdədir.
Qeyd edək ki, Norveç millisi Makedoniya ilə noyabrın 11-də, Slovakiya ilə noyabrın 14-də üz-üzə gələcək.
