"Rövnəq Abdullayevə, AFFA İcraiyyə Komitəsinin üzvlərinə təşəkkür edirəm. Hər kəsin arzusu millidə oynamaq və məşqçinin də istəyi milliyə rəhbərlik etməkdir. Mənə inandığınıza görə hər birinizə təşəkkür edirəm. Hamının gözü millidədir. Azarkeşlər daha yaxşı nəticə istəyir. Onların fikirlərini düşüncələrini yaxından eşitmişəm. Milli komandanın uğurlu nəticə əldə etməyini istəyirlər. Biz də bunun üşün çalışacağıq. Bu, mənim üçün böyük məsuliyyətdir. Bu, bir ayın, bir ilin işi deyil. Bizim planlarımız daha çox olacaq. Uzun bir proqramımız olmalıdır. Pillə-pillə irəli getməliyik. Bir azərbaycanlı kimi futbolumuz üçün daha artığını etməyə çalışacağam. Bir azərbaycanlı kimi futbolumuz üçün daha artığını etməyə çalışacam. İşimiz çoxalır. Çalışacağıq ki, rəhbərliklə birgə vəzifəmizin öhdəsindən gələk. Azərkeşlərə və sizlərə minnətdaram. Yazıları oxuyurdum. Etimadınıza görə də təşəkkür edirəm. Biz hamımız bir olub yaxşı bir komanda formalaşdırıb uğurlu nəticələr əldə edəcəyik."
Sportnet.az-ın məlumatına görə, bunu jurnalistlərə açıqlamasında Azərbaycan milli komandasının yeni baş məşqçisi Qurban Qurbanov təyinatını şərh edərkən deyib.
45 yaşlı mütəxəssis bildirib ki, hələlik köməkçiləri barədə danışmaq tezdir: "İndi bu suala cavab verə bilməyəcəyəm. Hər şey mərhələli olacaq. Bu barədə düşünməmişik. Vaxtımız var. Bir aya, ayyarıma qərar veriləcək.
Əsas məqsədin 2020-ci il Avropa çempionatına vəsiqə qazanmaqdan ibarət olduğunu deyən Qurbanov "Millətlər Liqasında da oynamalıyıq. Bu, bizim üçün əlavə üstünlükdür. Futbolda hər şey mərhələ ilə olur. Əlimizdə şans varsa, bundan istifadə etməliyik. "Atletiko" "Qarabağ"dan güclüldü. Amma onlarla heç-heçə etdik. Və ya biz çempionatda xal itiririk".
Yeni baş məşqçi müqavilə şərtləri barədə danışmaq istəməyib: "Biz bir-birimizə şərt qoymuruq. Məndə belə bir xarakter yoxdu. Sadəcə doğru yol axtarırıq. Buna ehtiyac yoxdur. Bir-birimizi tanıyırıq və bir-birimizə inanaraq, bu yolu gedəcəyik. Birlikdə daha güclü olmağa çalışacağıq".
