Milli komandaların oyunları ilə əlaqədar Topaz Premyer Liqasında fasilə yaransa da, "Keşlə”nin futbolçuları istirahətə buraxılmayıblar.
Sportnet.az xəbər verir ki, buna səbəb komandanın 11 turdan sonra 8 xalla 7-ci pillədə qərarlaşması və baş məşqçi postunda Zaur Svanadzeni Ramiz Məmmədovun əvəzləməsidir.
Məmmədov fasilədən maksimum yararlanmaq, əlavə məşqlər keçmək və kollektivi yoxlama görüşündə sınamağı düşünür. Matçın tarixi və rəqib hələlik bilinmir.
Qeyd edək ki, "Keşlə” 2017-ci ildə Premyer Liqada son 3 oyununu ardıcıl olaraq "Zirə”, "Neftçi” və "Qəbələ”yə qarşı keçirəcək.
