Hollandiya milli komandasının baş məşqçisi Dik Advokat yığmadakı qələbələrinin sayını 36-ya çatdırıb. Sportnet.az-ın məlumatına görə, son olaraq, "narıncılar" yoldaşlıq görüşündə Şotlandiyanı yenib - 1:0.
Bununla da 70 yaşlı mütəxəssisin komandası 77 il əvvəlki rekordu təkrarlayıb. Advokaat belə nailiyyətə 61 matç ərzində imza atıb.
1940-cı ildə Bob Qlendinq baş məşqçi olduğu vaxt da Hollandiya yığması 36 qələbəyə nail olub. Amma bunun üçün 87 oyun lazım gəlib. Marko van Basten 52 oyuna 35 qələbə əldə edib. Vahid lider olmaq üçün Advokatın komandası növbəti oyunda Rumıniyanı məğlub etməlidir. Məhz noyabrın 14-də keçiriləcək görüşdən sonra təcrübəli mütəxəssis "narıncılar"dan ayrılacaq.
