"Qəbələ" rəhbərliyi komandada baxışda olan Kevin Pena və Abdul Kərim Konte ilə bağlı qərar verib. Klubdan Sportnet.az-a verilən məlumata görə, kolumbiyalı və qvineyalı yarımmüdafiəçilərin çıxışı baş məşqçi Roman Qriqorçuku razı salmayıb.
Pena ötən gün "Səbail"lə oyunda komandasının yeganə qolunu vursa da, bu, onun komandada qalması üçün yetərli olmayıb. Hər iki oyunçunun "qırmızı-qaralar"dan göndərilməsinə qərar verilib.
