Gəncə şəhər stadionunda keçirilən "Kəpəz" - "Səbail" matçının əvvəli gərgin keçib. Sportnet.az-ın məlumatına görə, artıq 5-ci dəqiqədə baş hakim Rauf Cabbarov meydan sahiblərinin qapısına penalti təyin edib.
Aleksandr Popoviçi bu imkandan yararlanmağı bacarıb. Bir dəqiqə sonra isə Dedimar Fereyra "Səbail"in oyunçusunu vurduğu üçün birbaşa qırmızı vərəqə alıb. Beləliklə, "Kəpəz" bu mövsüm həm ilk dəfə penalti, həm də qırmızı vərəqə ilə cəzalandırılıb.
16-cı dəqiqədə Ayron Statinin vurduğu ikinci qoldan sonra isə gəncəli bir qrup fanat "Kəpəz"in baş məşqçisi Şahin Diniyevi istefaya səsləyib. Beləliklə, Diniyev də bu mövsüm ilk dəfə "istefa" şüarı ilə qarşılaşıb.
Qeyd edək ki, hazırda "Səbail" 2:0 hesabı ilə öndədir.
