"Vitess" klubunun futbolçusu Fankati Dabo Hollandiya çempionatının XII turunda "Qroningen"lə görüşdə qeyri-adi avtoqol edib.
Sportnet.az-ın məlumatına görə, hadisə səfər matçının 59-cu dəqiqəsində "Vitess" 0:1 hesabı ilə geridə olduğu vaxt baş verib. Yan xətt yaxınlığından topu alan Dabo öz qapısına tərəf səliqəsiz ötürmə verib. Nəticədə 40 metrlik məsafə qət edən top qapıçı Yerun Hauvenin üzərindən tora daxil olub. Görüşdə hesab da Kasper Larsenin avtoqolu ilə açılıb.
Qeyd edək ki, "Eyroborq" stadionunda keçirilmiş qarşılaşmanın qalibi "Qroningen" olub - 4:2. Müqavilə üzrə İngiltərənin "Çelsi" klubuna məxsus Fankati Dabo "Vitess"də icarə əsasında forma geyinir.
