Topaz Premyer Liqasının XIV turunda "Qəbələ” öz meydanında "Keşlə”ni qəbul edib. Oyun qonaqların 0:3 hesablı məğlubiyyətilə yekunlaşıb.
Oyundan sonra keçirilən mətbuat kofransında "Keşlə”nin baş məşqçisi Ramiz Məmmədov fikirlərini bölüşüb.
- Məlum səbəblərə görə oyunu iki hissəy bölmüşdük. Tapşırıqları çatdırmışdıq. Bilirsiniz ki, oyunçuların bəziləri əvəzedici heyətdən gəlib. Verdiyim tapşırığı futbolçular layiqincə yerinə yetirdilər. Ümumilikdə, birinci hissədə müdafiə xarakterli oyun var idi. İkinci hissədə əksinə olaraq hücum oynayıb, əks hücumlara ümid edirdik. Deyə bilərəm ki, oyundan razı qaldım, amma nəticədə yox.
- Bugünki oyunda şübhəli oyunçular varmı?
- Xeyir, futbolçularım yaxşı oynadı. Savaş və əzmkarlıq var idi. SAdəcə olaraq təcrübəsizlik var idi. Bu komandanı söküb yenidən yığmaq lazımdır. Ən azı 6-7 oyunçu lazımdır.
- Əsas ümidiniz Azərbaycan Kubokunadır?
- Bizdə əzmkarlıq yavaş-yavaş yaranır. Sona qədər mübarizə aparacağıq. İkinci dövrədən sonra rəqiblər üçün asan keçilən sədd olmayacağıq. Nə qədər bacarağıqsa, irəli gedəcəyik.
- Mirhüseyn Seydov və Nizami Hacıyevin 6 oyunda danışılmış oyun şübhəsi var idi. Bu doğrudur?
- Bu söhbətə qayıtmaq istəmirəm. Lazım olan qədər açıqlamar var. Nə lazımdırsa, həmin oyunçulardan soruşun.
