"Qəbələ"nin keçmiş hücumçusu Ruslan Fomin Ukraynanın "Mariupol" komandasının 2017-ci ildə ən yaxşı futbolçusu seçilib. Sportnet.az-ın məlumatına görə, bu, İlyiçevets klubunun rəsmi saytında aparılan səsvermə nəticəsində müəyyənləşib.
32 yaşlı hücumçuya 1099 nəfər (44 faiz) səs verib. İkinci yeri 25 faiz səslə Sergey Yavorski, üçüncü yeri isə 18 faiz səslə Maksim Belıy tutub.
Fomin "Qəbələ"də 2014-2015 mövsümünün ikinci yarısında çıxış edib. O, 15 oyuna çıxsa da, fərqlənə bilməyib.
Qeyd edək ki, "Mariupol" Türkiyənin Antalya bölgəsindəki təlim-məşq toplanışı zamanı "Qarabağ"la yoxlama matçı keçirəcək. Oyun yanvarın 25-də keçiriləcək.
