"Neftçi” klubu qış fasiləsindən sonra mövsümün ikinci hissəsinin hazırlıqlarına başlayıb. Sportnet.az-ın məlumatına görə, "ağ-qaralar" bu gün klubun bazasında yeni ildə ilk məşqini keçib.
Məşqə yeni transfer Aqil Məmmədov və komandadan göndəriləcəyi deyilən Daniel Seqoviya da qatılıb. Baş məşqçi Tərlan Əhmədov hazırlıq prosesinə əvəzedici heyətdən də futbolçular dəvət edib.
Qeyd edək ki, təlim-məşq toplanışının birinci mərhələsi yanvarın 15-dək Bakıda, ikinci mərhələsi isə ayın 17-dən 31-dək Türkiyənin Antalya bölgəsindəki Bələk qəsəbəsində olacaq.
