"Mövsümün ikinci yarısına ciddi hazırlaşırıq. Məqsədimiz avrokuboklara vəsiqə qazanmaqdır. Hələlik fiziki hazırlıq üzərində işləyirik. Daha sonra yoldaşlıq görüşləri keçirəcəyik".
Bunu Sportnet.az açıqlamasında "Zirə" klubunun yeni transferi Elşən Abdullayev deyib. 24 yaşlı yarımmüdafiəçi bildirib ki, əvvəlki komandası "Qarabağ"da möhkəmlənə bilməməsində zədələrin də rolu olub. Lakin o, ruhdan düşmədiyini vurğulayıb: "Zirə"yə gəlməkdə məqsədim əvvəlki gücümü bərpa edərək, komandanın adına layiq çıxış edim. Hədəflərim yüksəkdir. Hər komandada olduğu kimi, "Zirə"də də rəqabət yüksəkdir. Çalışacağam ki, baş məşqçinin etimadını doğruldum və əsas heyət üzvünə çevrilim".
Qeyd edək ki, Elşən Abdullayev "Qarabağ"dan mövsümün sonunadək icarəyə götürülüb.
