Bu gün "Neftçi" klubu qış hazırlıq dövründə ilk yoxlama matçını keçirib.
Sportnet.az-ın məlumatına görə, flaqman "Keşlə" ilə üz-üzə gəlib. İsmət Qayıbov adına Bakıxanov qəsəbə stadionunda təşkil olunmuş qarşılaşma qonaqların əzmkar qələbəsi ilə yekunlaşıb - 2:1. İlk yarıda "Neftçi" Mirabdulla Abbasovun qolu ilə önə keçsə də, ikinci hissənin ortalarında "Keşlə" qısa müddətdə 2 qol vuraraq, qalib gəlib. Qollardan birini qış fasiləsində "ağ-qaralar"ı tərk etmiş Məqsəd İsayev vurub. Bu görüşdə "Keşlə"nin qapısını Kamran Ağayev qoruyub. Bu komanda daha əvvəl I Divizionun lideri "Qaradağ Lökbatan"ı məğlub edib - 3:1.
Yoxlama oyunu
15:00. "Neftçi" - "Keşlə" - 1:2
Qollar: Mirabdulla Abbasov, 35 - Məqsəd İsayev, 70. Pərdis Fərcad-Azad, 72
"Neftçi": Rəşad Əzizli, Məhəmməd Mirzəbəyov, Ruslan Abışov, Kirilo Petrov, İlkin Qırtımov, Derlis Meza Kolli, Emin Mahmudov, İqnasio Errera, Rəhman Hacıyev, Elnur Süleymanov, Mirabdulla Abbasov
"Keşlə": Kamran Ağayev, Cabir Əmirli, Slavik Alxasov, Tərlan Quliyev, Denis Silva, Herve Tçami, Vaqif Cavadov, Nemanya Stanoyeviç, Pablo Podio, Məmməd Quliyev, Pərdis Fərcad-Azad.
