Azərbaycanın 21 yaşadək futbolçulardan ibarət milli komandası Türkiyənin Antalya bölgəsindəki təlim-məşq toplanışı çərçivəsində ilk oyununu keçirib.
Sportnet.az-ın məlumatına görə, millimiz yerli "Alanyaspor”un U-21 komandası ilə üz-üzə gəlib. Qarşılaşma yığmamızın 3:1 hesablı qələbəsi ilə başa çatıb.
Bakı vaxtı ilə saat 17:00-da başlanmış görüş baş məşqçi Rəşad Sadıqovun millidə ilk sınağı olub. Növbəti oyunlar yanvarın 21-də və 26-da Albaniyanın, yanvarın 23-də isə Gürcüstanın müvafiq yaş qrupundan ibarət yığmalarına qarşı nəzərdə tutulub. Hər 3 qarşılaşma Bakı vaxtı ilə saat 19:00-da başlayacaq.
Yoxlama oyunu
17:00. Azərbaycan U-21 - Alanyaspor U-21 3:1
Qollar: Nicat Süleymanov, 43. Elnur Cəfərov, 44, Ülvi İsgəndərov, 70
