Dövrələrarası fasilədə hazırlığın birinci mərhələsini başa vuran "Sumqayıt" komandası təlim-məşq toplanışının növbəti mərhələsini Antalyada keçirmək üçün bu gün Türkiyəyə yola düşəcək.
Sportnet.az-ın məlumatına görə, "gənclik şəhəri" təmsilçisi saat 15:30-da Heydər Əliyev adına Beynəlxalq Hava Limanından səfərə çıxacaq. Antalyada "The Sense De Luxe" hotelində məşkunlaşacaq olan "Sumqayıt” 4 yoxlama oyunu keçirəcək. Samir Abasovun rəhbərlik etdiyi komanda yanvarın 25-də Polşanın "Poqon", yanvarın 28-də Makedoniyanın "Akademiya Pandev", yanvarın 31-də Rusiyanın "Anji", fevralın 3-də isə Serbiyanın "Mladost" klubları ilə qarşılaşacaq.
