İspaniya La Liqasının 21-ci turunda "Real Madrid" səfərdə "Valensiya" ilə qarşılaşıb.
Sportnet.az-ın məlumatına görə, matç qonaqların 4:1 hesablı qələbəsi ilə başa çatıb. Görüşdə hesabı Madrid klubu açıb. Komandanın ulduz futbolçusu Kristianu Ronaldu 16-cı dəqiqədə penaltidən hesabı açıb. Portuqaliyalı matçın 36-cı dəqiqəsində yenə fərqlənib.
O, bu dəfə də penaltini dəqiq yerinə yetirib. Birinci hissə bu hesabla başa çatıb. Qarşılaşmanın 58-ci dəqiqəsində meydan sahibləri fərqi azalda bilib. "Valensiya"nın heyətində Santi Mina rəqib qapısına yol tapıb.
"Real Madrid"in heyətində 84-cü dəqiqədə Marselo, 87-ci dəqiqədə isə Toni Kross fərqi artırıb.
Qeyd edək ki, bu qələbədən sonra xallarının sayını 38-ə çatdıran Madrid klubu 4-cü pillədə qərarlaşıb.
