Türkiyə kubokunun 1/4 final mərhələsinin cavab matçında "Qalatasaray" doğma meydanda "Konyaspor"la üz-üzə gəlib.
Sportnet.azın məumatına görə, ilk görüşdə 2:2 hesablı bərabərliyə razılaşan "sarı-qırmızılar" bu qarşılaşmada rəqibini 4:1 hesabı iə üstələyib. Matçda hesabı qonaqlar açıb. "Konyaspor"un heyətində Moruke Fofana 14-cü dəqiqədə fərqlənib. Meydan sahiblərinin bərabərlik qolu özünü çox gözlətməyib.
17-ci dəqiqədə Sərdar Aziz tarazlığı bərpa edib. Görüşün 52-i dəqiqəsində Bafetimbi Qomis komandasını hesabda önə çıxarıb. Hücumçu 88-ci dəqiqədə özünün 2-ci komandasının 3-cü qoluna imza atıb. Bu da matçda vurulan son qol olmayıb. 90-cı dəqiqədə Qari Rodriges oyunda son noqtəni qoyub.
Qeyd edək ki, "Qalatasaray" yarımfialda "Akhisarspor"la qarşılaşsacaq. Digər görüşdə isə "Beşiktaş" və "Fənərbağça" klubları üz-üzə gələcək.
