Azərbaycan I Divizionunda "Turan Tovuz" və MOİK komandaları arasında keçirilmiş XIV tur matçında kuyoz qol vurulub.
Sportnet.az-ın məlumatına görə, qeyri-adi qol 26-cı dəqiqədə qeydə alınıb. MOİK-də çıxış edən Azərbaycanın 21 yaşadək futbolçulardan ibarət yığma komandasının qapıçısı Aydın Bayramov topu uzaqlaşdırmaq istərkən, zərbəsi qarşısındakı rəqib oyunçuya dəyib. Nəticədə top "Turan Tovuz"un digər oyunçusu Elməddin Hüseynzadənin önünə düşüb. 23 yaşlı yarımmüdafiəçi isə boş qapını dəqiq nişan alıb.
Buraxdığı qola baxmayaraq, MOİK ikinci hissədə 2 dəfə fərqlənərək, qələbəyə nail olub - 2:1.
