FİFA-nın sabiq prezident Yozef Blatter Etika Komitəsindən futboldan kənarlaşdırılmasına dair qərara yenidən baxmasını xahiş edəcək. Sportnet.az-ın məlumatına görə, bu barədə isveçrəli keçmiş futbol funksioneri "Röyter"ə açıqlama verib.
O deyib: "Bu qərardan 2,5 il keçsə də, heç nə dəyişməyib. Cəzanın götürülməsi barədə Etika Komitəsinin qərarını əldə etmək istəyirəm. Vəziyyəti necə dəyişdirə biləcəyimizi anlamağa çalışıram. Ümidvaram ki, hər şeyə yaxın 3 ay ərzində aydınlıq gələcək".
Qeyd edək ki, 2015-ci ilin sonlarında Yozef Blatter UEFA-nın keçmiş prezidenti Mişel Platini ilə birgə 8 il müddətinə futbolla bağlı bütün fəaliyyətdən kənarlaşdırılıb. Buna əsas kimi Blatterin FİFA vəsaitindən 2 milyon İsveçrə frankını 2011-ci ildə Platininin hesabına köçürməsi göstərilib. Sonradan FİFA Apellyasiya Komitəsi hər iki şəxsin diskvalifikasiyasını 6 ilə endirib.
