Almaniyanın "Hamburq" komandasının baş məşqçisi Bernd Hollerbax istefaya göndərilib.
Sportnet.az-ın məlumatına görə, bu barədə klub rəhbərliyi Bundesliqanın XXVI turunda "Bavariya"ya 0:6 hesablı məğlubiyyətdən sonra qərar qəbul edib. Cəmi iki ayadək duruş gətirə bilən Hollerbaxı bunadək "Hamburq"un gənclərdən ibarət komandasına rəhbərlik etmiş Kristian Tits əvəzləyib.
Qeyd edək ki, "Hamburq" 26 turu ərzində cəmi 18 xal toplayıb və əsas liqanı tərk etmək təhlükəsi ilə üzləşib. Halbuki, indiyədək komanda tarixində belə hal baş verməyib.
