İngiltərənin "Mançester Siti" klubunun futbolçusu Yaya Ture maraqlı açıqlama ilə diqqət çəkib. Sportnet.az-ın məlumatına görə, afrikalı futbolçu Premyer Liqanın 7-ci turunda 2:0 hesabı ilə qalib gəldikləri "Aston Villa" qarşılaşmasını şərh edib.
31 yaşlı yarımmüdafiəçi komandasının titul qazanması üçün əlindən gələni edəcəyini bildirib: "Düşünürəm ki, vurduğum qol gözəl alındı. Amma əgər bunu mən etməsəydim, Aquero və ya Silva edəcəkdi. Mənim üçün ən əsası imkan daxilində komandaya kömək etməkdir. Avropanın top klubunda oynayıram. Yenidən titul qazanmaq üçün əlimdən gələni edəcəm. Hər şey o qədər də asan deyil. Çünki hər 3 gündən bir oyun keçirmək lazım gəlir. Mən maşın yox, adi insanam. Tempi aşağı salmamaq çox vacibdir. Baş məşqçi məni irli çəkəndə xoşuma gəlir. Digər tərəfdən mənə qarşı indvidual oynayırlar. Buna görə hücuma meyilli çıxış etmək heçdə asan deyil".
