"Boka Xuniors" klubu sona bir tur qalmış Argentina çempionatının qalibi olub.
Sportnet.az xəbər verir ki, Buenos-Ayres təmsilçisi "Ximnasiya və Esqrima" komandası ilə 2:2 hesablı heç-heçə etdikdən sonra qızıl medalları təmin edib.
Klub sona bir tur qalmış ikinci yerdə qərarlaşan "Qodoy-Krus" komandasını 4 xal qabaqlayır. Bu çempionluq "Boka Xuniors" üçün 33-cü, ardıcıl ikinci olub. Daha çox titul isə "River Pleyt"in aktivindədir - 36.
Argentina çempionatında 28 komanda iştirak edir. Birdövrəli turnir ötən il avqustun 25-də start götürüb.
