"Şaxtyor" klubu tarixində 11-ci dəfə Ukrayna çempionu olub.
Sportnet.az-ın məlumatına görə, Premyer Liqanın XXXI turunda Donetsk komandası "Veres"i məğlub edib. Yeganə qolu 5-ci dəqiqədə penaltidən Marlos vurub.
Bununla da xallarını 75-ə çatdıran "Şaxtyor" sona bir tur qalmış ikinci pillədəki Kiyev "Dinamo"sundan 5 xal aralanıb. Portuqaliyalı Paulu Fonsekanın baş məşqçi olduğu komanda ardıcıl ikinci il qızıl medallara yiyələnib.
Qeyd edək ki, "Şaxtyor" mayın 9-da keçirilmiş final matçında "Dinamo"nu 2:0 hesabı ilə yenərək, tarixində 12-ci dəfə Ukrayna Kubokunu qazanıb.
