İtaliyanın milli komandasının və "Yuventus" klubunun sabiq futbolçusu Vinçenzo Yakvinta 6 illik həbs oluna bilər.
Sportnet.az-ın AFP-yə istinadən xəbər verir ki, o, 2015-ci ilin dekabrında qanunsuz odlu silah saxlamaqla yanaşı, Kalabriya mafiyası ilə əlaqələr qurduğuna görə ittiham olunur.
Bu iş üzrə 140 şəxsə ittiham irəli sürülüb və onların arasında Yakvintanın atası da var. Prokuror sabiq futbolçunun atasına 19 il həbs cəzası verilməsini tələb edir.
Qeyd edək ki, Vinçenzo Yakvinta 2006-ci ildə İtaliya yığması ilə dünya çempionu olub. O, 2012-ci ildə karyerasını başa vurub.
