"Keşlə" klubu Azərbaycan Kubokunun final oyununda qarşılaşacaqları "Qəbələ" ilə oyunun hazırlıqlarını davam etdirir.
Klubun mətbuat xidmətindən Sportnet.az-a verilən məlumata görə, paytaxt təmsilçisi həlledici oyuna itki ilə çıxacaq. Komandanın yarımmüdafiəçisi Fuad Bayramov cəza səbəbindən bu matçda iştirak edə bilməyəcək.
"Qırmızı ağlar" bu gün paytaxtdakı hazırlığını yekunlaşdıracaq. Komanda "Neftçi”nin İsmət Qayıbov adına təlim-məşq bazasında məşq edəcək. Hazırlıq prosesi saat 18:00-da başlanacaq. Kollektiv sabah oyunun keçiriləcəyi Qəbələyə yollanacaq.
Qeyd edək ki, "Keşlə" - "Qəbələ" matçı mayın 28-i saat 20:00-da start götürəcək.
