"Əlbəttə, "Neftçi"yə gəlmək hər bir futbolçunun arzusudur. Bu ailəyə qoşulduğum üçün çox şadam".
Sportnet.az-ın məlumatına görə, bunu "Neftçi"nin yeni transferi Tural Axundov klub televiziyasına açıqlamasında deyib.
30 yaşlı müdafiəçi bildirib ki, flaqmanın düşərgəsinə qoşularkən, azarkeşləri görmək kifayət edər: "Çünki onlar bəlkə də Azərbaycanın bir nömrəli fanatlarıdırlar".
Axundov şəxsi və komanda olaraq, hədəflərindən də danışıb: "Qarşımızda Avropa Liqasında uğurla çıxış etmək məqsədi var. Çalışacağam ki, öz yerimi möhkəmlədim və sabit oyunumu göstərim. Məncə, bu, alınacaq. Çünki qarşıma məqsəd qoymuşamsa və bu kluba gəlmişəmsə, deməli, hər şey yaxşı olacaq".
Qeyd edək ki, Tural Axundov "Neftçi"yə "Sumqayıt"dan keçib.
