"Bakı"nın futbolçusu Cəmşid Məhərrəmov Azərbaycan milisi komandasının bu gün səfərdə İtaliya yığması ilə keçirəcəyi AVRO-2016-nın seçmə qrup matçı barədə danışıb. 31 yaşlı müdafiəçi Sportnet.az-a açıqlamasında millimizdən əzmkar mübarizə gözlədiyini bildirib.
O deyib: "Millimizin sabiq futbolçusu kimi məsuliyyətin böyüklüyünü dərk edirəm. İtaliya güclü komandadır. Bununla belə, yığmamızdan əzmkar mübarizə gözləyirəm. İnanıram ki, komandamız Palermoda yaxşı nəticəyə nail olacaq".
Qeyd edək ki, "Rentso Barbera" stadionunda keçiriləcək İtaliya - Azərbaycan matçı Bakı vaxtı ilə saat 23:45-də başlanacaq.
