"Neftçi” yeni mövsümə hazırlıq çərçivəsində "Keşlə” klubu ilə yoxlama oyunu keçirib. Sportnet.az xəbər verir ki, "Türk Hava Yolları Futbol Mərkəzi”ndə baş tutan görüş 2:0 hesablı qələbə ilə nəticələnib.
"Neftçi” ilk hissədə bir neçə qol epizodu yaratsa da, fasilədən sonra fərqlənə bilib. İlk qolu 67-ci dəqiqədə Dario Frederikonun ötürməsindən sonra Emin Mahmudov vurub. Bundan 2 dəqiqə sonra Mirabdulla Abbasov fərqlənib. Bunadək isə Frederiko ilə Abbasovun zərbələri qapı dirəyinə tuş gəlmişdi.
"Neftçi”: 1.Səlahət Ağayev (94.Rəşad Əzizli), 6.Qoran Paratski (4.Rəşad Eyubov), 8.Emin Mahmudov (37.Vüsal Əskərov), 9.Baqali Dabo (17.Rəhman Hacıyev), 10.Dario Frederiko, 11.Kvame Karikari (22.Mirabdulla Abbasov), 18.Tural Axundov (5.Anton Krivotsyuk), 25.Kirilo Petrov (K), 26.Ömər Buludov (21.Məhəmməd Mirzəbəyov), 28.Slavko Braliç, 93.Soni Mustivar.
Xatırladaq ki, "Neftçi" bu mövsüm Topaz Premyer Liqasında ilk matçını səfərdə "Sumqayıt” klubuna qarşı keçirəcək. I turun oyunları avqustun 11-12-də baş tutacaq.
