"Sabah” futbol klubunun Müşahidə Şurası yaradılıb.
Klubun mətbuat xidmətindən Sportnet.az-a verilən məlumata görə, Müşahidə Şurasına 5 nəfər daxildir.
Bunlar təhsil nazirinin müavini Firudin Qurbanov, futbol veteranı İqor Ponomaryov, "1news.az” saytının və "Bakinskiy raboçiy” qəzetinin rəhbəri Rəhman Hacıyev, eləcə də sahibkarlar - Rauf Xəlilov və Yaqub Hüseynovdur.
Qeyd edək ki, Y.Hüseynov 2018/2019 mövsümündə Azərbaycan Premyer Liqasında debüt edəcək "Sabah”ın təsisçisi və Müşahidə Şurasının sədridir. O, klubun sponsoru "Bridge Group of Companies” şirkətinin rəhbəridir.
