"Vəlini təbrik edirəm. Əla oyun alındı. Onun Portuqaliya və İspaniyada da yaxşı karyerası olub".
Sportnet.az xəbər verir ki, bunu jurnalistlərə açıqlamasında Vəli Qasımovun 50 illik yubileyinə həsr olunmuş yoldaşlıq matçında iştirak edən sabiq futbolçu İqor Kolıvanov deyib.
V.Qasımovu böyük futbolçu və qeyri-adi insan adlandıran Kolıvanov Azərbaycan paytaxtı barədə də xoş sözlər deyib: "Gələn il Bakıya məzuniyyətə gələcəyəm. Buraya heyran qaldım. Azərbaycanda çoxlu dostlarım var".
Yubiley matçında iştirak edən digər sabiq futbolçu Valeri Şmarov köhnə dostları gördüyü üçün şad olduğunu söyləyib: "Oyundan həzz aldım. Qollar çox baxımlı alındı. Bu, əsl futbol idi. Vəlini təbrik edirəm".
