"Azərbaycanla matç bizim üçün həlledici olacaq. Çox yaxşı komandaya qarşı oynayacağıq".
Sportnet.az-ın məlumatına görə, bunu Kosovo yığmasının futbolçusu Vedat Muriki UEFA Millətlər Liqasında noyabrın 20-də Azərbaycana keçirəcəkləri D Liqasının 3-cü qrupunun VI tur matçı barədə danışarkən deyib. Türkiyə "Rizespor"unun hücumçusu qrup liderliyini qorumalarının vacibliyini vurğulayıb: "Hazırkı vəziyyətimizə sevinirəm. Həmişə demişəm ki, fərdi yox, kollektiv oyun vacibdir. Maltaya səfərdə 5 qol vurmaqla, işimizi gördük. Lakin biz çərşənbə axşamından sonra da öz yerimizdə qalmalıyıq".
Qeyd edək ki, D Liqasının 3-cü qrupuna 5 turdan sonra 11 xalla Kosovo başçılıq edir. Azərbaycan 9 xalla 2-ci pillədə qərarlaşıb. Priştinadakı Fadil Vokkri stadionunda keçiriləcək Kosovo - Azərbaycan matçı Bakı vaxtı ilə saat 23:45-də başlanacaq. Azərbaycan millisi yalnız qələbə təqdirində C Liqasına və pley-offa yüksələcək.
