Ukrayna millisinin əslən azərbaycanlı sabiq futbolçusu Aleksandr Əliyev həvəskar futzalçılardan ibarət "Karbon" komandasının iştirak ərizəsinə daxil edilib.
Sportnet.az xəbər verir ki, bu barədə klubun prezidenti Narek Kazaryan açıqlama verib. Onun sözlərinə görə, 33 yaşlı yarımmüdafiəçi yeni klubunda bu gün "Kolos"la qarşılaşmada debüt edə bilər.
Qeyd edək ki, "Karbon" Çerkassk vilayətinin çempionatında çıxış edir. Aleksandr Əliyev isə karyerası ərzində Kiyev "Dinamo"su, Zaporojye "Metallurq"u, Dnepropetrovsk "Dnepr"i kimi komandaların formasını geyinib.
