Türkiyə I Liqasında 7-ci tura start verilib. Sportnet.az-ın məlumatına görə, həmyerlilərimizdən 3-nün formasını geyindiyi "Qaziantep BB" öz meydanında "Şanlıurfaspor"u qəbul edib.
Vaqif Cavadov, Rəhman Hacıyev və Ufuk Budakın komandası 76-cı dəqiqədə vurulan yeganə qolla "Şanlıurfaspor"a məğlub olub. Cavadov bu görüşün 15-ci dəqiqəsində Ameobini, Hacıyev isə 73-cü dəqiqəsində Mehmet Nası əvəz edib. Ancaq Budak "18-lik"də yer almayıb.
Rail Məlikovun komandası "Dənizlispor" bu gün "Boluspor"u qəbul edəcək. Mahir Şükürovun şərəfini qoruduğu "Karşıyaka" isə millimizin sabiq hücumçusu Branimir Subaşiçin komandası "Manisaspor"la qarşılaşacaq.
Bazar günü isə Cavid İmamverdiyevli "Elazığspor" "Samsunspor" səfərinə çıxacaq.
Türkiyə PTT I Liqa. 7-ci tur
24 oktyabr
"Adana Dəmirspor" - "Antalyaspor" 1:1
Qollar: Mulenqa, 75 - Gökhan Qaradəniz, 19
"Qaziantep BB" - "Şanlıurfaspor" 0:1
Qol: Yussef, 76
25 oktyabr
16:00 "Bucaspor" - "Adanaspor"
18:00 "Dənizlispor" - "Boluspor"
18:00 "Giresunspor" - "Alanyaspor"
20:30 "Manisaspor" - "Karşıyaka"
26 oktyabr
16:00 "Osmanlıspor" - "Orduspor"
18:00 "Altınordu" - "Kayserispor"
20:30 "Samsunspor" - "Elazığspor"
