İngiltərənin "Fulhem" klubu Türkiyə "Beşiktaş"ının futbolçusu Rayan Babeli transfer edib.
Sportnet.az-ın London təmsilçisinin rəsmi saytına istinadən məlumatına görə, 32 yaşlı yarımmüdafiəçi ilə cari mövsümün sonunadək müqavilə bağlanılıb. Hollandiyalı oyunçu yeni komandasında 12 nömrəli forma ilə çıxış edəcək.
Premyer Liqada 22 turdan sonra "Fulhem" 20 komanda arasında 14 xalla 19-cu pillədə yer alıb.
Qeyd edək ki, Rayan Babel Hollandiya "Ayaks"ının yetirməsidir. O, 2007-ci ildə İngiltərə "Liverpul"una, 2011-ci ildə Almaniya "Hoffenhaym"ına keçdikdən sonra 2012-ci ildə yenidən Amsterdam klubuna qayıdıb. 2013-cü ildən Babel "Kasımpaşa", Birləşmiş Ərəb Əmirliklərinin "Əl-Ayn", İspaniyanın "Deportivo" klublarında oynadıqdan sonra 2017-ci ildə "Beşiktaş"a keçib.
