"Mançester Siti”nin aparıcı futbolçusu David Silva noyabrın 2-də baş tutacaq Mançester derbisində iştirak edə bilməyəcək. Sportnet.az-ın İngiltərə mətbuatına istinadən məlumatına görə, ispaniyalı yarımmüdafiəçi təxminən bir ay komandadan ayrı qalacaq.
Bununla
bağlı yerli mətbuata açıqlama verən "şəhərlilər”in baş məşqçisi Manuel
Pelleqrini Silvanın hazırkı durumundan danışıb: "Silva dizindəki zədə üzündən
azı 4 həftə bizimlə olmayacaq. Əvəzində Yaya
Ture və Samir Nəsrinin sağalması bizi sevindirir”.
Qeyd
edək ki, David Silva oktyabrın 29-da İngiltərə Liqa Kubokunda "Nyukasl”la
qarşılaşmada zədələnərək əvəzlənmişdi.
